家庭影院AV擴音機向來係日系的最強領域，英美品牌除左超專業高級的戲院級裝置，一般都好難撼動日系的平靚正。近期Rotel推出全新4K世代AV擴音機讓影音迷多一個選擇，不過最吊詭有趣的係好多人認為Rotel係英國品牌，加上係英國成名加上之前係B&W集團旗下，因此傳統上好多人覺得佢係英國野但佢實際上創辦人係日本，總部在東京係日本的始祖。今次全新AV AMP同AV前級有高級機常用的Dirac Live自動聲音校正系統，單係用呢個 Dirac Live 系統就已經值得入手成為焦點。

Rotel宣布推出呢兩款具有Dirac Live聲音校正功能的環繞聲影音擴音機，憑Rotel英國口味的較聲同過去出色的機械性能，聲音應該值得一定期待，前級部份今次支援7.1.4聲道的杜比全景聲（Dolby Atmos）和DTS：X解碼，4K HDR的HDMI輸入，在現今影音來講唔係最強規格同支援力但應夠用有餘。接駁方面都非常齊備有XLR，RCA，黑膠唱頭，USB，光纖以及同軸輸入。支援aptX藍牙播放以及網絡的支援，當然網絡的應用能力肯定不及傳統的幾個日系大品牌。合併式擴音型號提供每聲道100瓦的功率以7歐姆負載提供7個AB類放大聲道，正常喇叭夠用可靠。

重點在於支援Dirac 聲音較正，不過據知兩個型號實際支援的Dirac唔一樣，前級款RSP-1576MKII支援力最強，使用Dirac Live Full，完美認證，可以校正並容許係整個20Hz至20kHz頻率範圍內進行聲音調整。保證可以調整最強的影音戲院聲效。而合併式的型號RAP-1580MKII則使用 Dirac Live LE軟件，級別有少少分別，可以係20Hz和500Hz頻段內進行校正。但實際上兩者都使用Dirac Live 

Dirac Live係瑞典Dirac Research AB聲學研究公司強大的自動聲場校正技術，目標是優化音響系統中每隻音箱的聲音輸出，使其完全平衡於喇叭所在房間的聲學特性。通過深入的房間測量和複雜的演算法構建一幅聽覺環境的圖片後，對房間內的聲音干擾和失真進行補償，最終讓室內聲學、立體聲聚焦感、清晰度和音樂的瞬態方面都有所改善。呢項技術最早出現係豪華汽車音響系統，之後入到家庭影院系統，支援的音響品牌都係享負盛名包括Datasat、Storm Audio、Arcam等等。它的獨特之處是能在一個大的聆聽區域中，提供一個真實的脈衝響應校正。反正用得呢個系統就係值得期待。

RSP-1576MKII前級擴音機定價（£2699 ）而合併式擴音機RAP-1580MKII定價（£3800 ）兩者均有內置的Dirac Live室內校正技術。RSP-1576MKII前級將於本月9月上市，專供追求前後級分開有實力又追求最強效能玩家，而簡單一體化的合併RAP-1580MKII將於十月上市。兩部機都有黑色和銀色面板可供選擇。係家庭影院日系以外的另一個「特別的日系」英式選擇。