【派對食麵】日本日清又有搞作推「杯麵版危機一發」派對遊戲

又係日清杯麵，呢間野係創意同收視保證，今次將杯麵變身海盜桶叔叔即係Pop-up Pirate (黒ひげ危機一発)遊戲，輪住叉，一爆就刺激啦，杯麵料執到趴街......派對必玩

黒ひげ危機一発、ならぬ「カップヌードル危機一発」。片づけにムダに時間がかかります。RT多ければ商品化!? pic.twitter.com/83FRqM66TO

— カップヌードル (@cupnoodle_jp) September 10, 2020

日清杯麵成日都有新企畫，佢地的市場推廣真係神級強大，今次係Twitter推出「危機一發海盜桶」玩意，仲話可能會商品化。「危機一發海盜桶」（黒ひげ危機一発）係日本 TAKARA TOMY 推出的派對玩具，如果大家玩過應知海盜桶中藏著黑鬍鬚船長，每人輪流將短刀捅入海盜桶，『中劍』的窿位次次唔同，「唔捅唔知邊個中」的神祕驚奇成為經典的派對玩具之一。

日清杯麵版的危機一發，創新得來非常簡單，將短刀變成杯麵膠叉，而結局彈出來則變成...杯麵配料，非常抵死有趣，簡簡單單但永遠唔會令人失望。其實日清真係個個星期有驚奇，求其舉個例子例如之前佢地網上教大家食剩的杯麵湯汁唔好嘥，加隻蛋攪勻再倒出放入微波爐「叮」就可以變成美味茶漬蛋。