{ SKIP }
文:MenClub 摯樂  圖:互聯網
POSTED ON 14 Sep 2020
【合縱連環】NVIDIA正式以400億美元收購Arm大搞晶片AI

創科界大事,今日NVIDIA 正式宣布以 400 億美元係Softbank(軟銀)手上收購英國半導體晶片設計廠 ARM。目前雙方已經同意,兩間公司預計交易將會於18個月內完成。不過,交易必須係美國,英國,歐盟同中國通過監管機構的批准。交易將成半導體史上最大的交易紀錄,收購後 ARM 將以子公司名義係 NVIDIA 旗下繼續維持獨立營運。未來Nvidia將會著眼於AI研發,以Arm作為增長研發中心,啟用可以係Arm晶片上運行的AI軟件,由小型智能手機到大型服務器,建立NVIDIA構想AI王國。


根據聲明披露,呢項交易金額高達 400 億美元,除左 125 億美元現金,NVIDIA 將以股票支付當中 215 億美元,包括向 ARM 員工發出 15 億美元股份。交易完成後,軟銀將取得 NVIDIA 已發行股約 6.7%~8.1% 的比例,預計在 18 個月內完成。值得一提2016 年 9 月軟銀以 310 億美元收購 ARM,成為全資子公司。今時今日ARM 升值到400 億美元。不過據知軟銀實際收益唔大,因為近年投資係人才、技術、研發等成本鉅大,而生意上Arm雖然有大客支撐但依然係帳面虧損當中。

Arm作為一間以劍橋為基地的英國公司,手頭上有蘋果,三星和高通等公司作為大客提供移動裝置晶片處理器。微軟都生產基於ARM的Surface和適用於Arm的Windows版本,而Apple計劃將未來的Macs轉換為基於Arm為核心的晶片。Nvidia則係Arm所設計的GPU的大買家超級製造商,不過除左係Nintendo Switch等設備中使用的Tegra系列移動晶片組外,Nvidia係CPU設計或流動硬件方面的發揮同作用不大。


這筆交易中Nvidia強調係短期內保持Arm的中立技術供應商的地位,並強調Arm將繼續將總部設於英國劍橋,並將聯合投資係該地區建設一個新的AI研究中心。Nvidia將呢次收購定位為建立AI產業的下一階段計劃之一步。有趣的係華為今年6月中正正係正Arm隔離建立全新的華為晶片研發中心。講返正題,總括Nvidia未來重點關注GPU,自動駕駛汽車和AI等領域。


當然此次收購將面臨監管部門的審查。好在Nvidia和Arm不會直接競爭這一個基本事實可能有助於通過各方審查。

抖音國際版「TikTok」全球有唔少用家,入面周不時就會出現各式各樣「挑戰」。上星期意大利一名10歲女童玩最近流行嘅「窒息挑戰(blackout challenge)」而不幸意身亡,引起社會高度關注,事發後意大利政府隨即禁止所 ...
hobby
【抖音】意大利10歲女童因玩「窒息挑戰」喪命
26 Jan 2021
Keira Knightley曾經係一代女神,雖然佢出名身材「平平無奇」,但見到佢嘅全裸性愛場面都係一件賞心樂事。不過往後大家就唔會見到呢啲場面啦!因為Keira Knightley宣佈唔會再接拍由男性執導嘅性愛場面! 圖片 ...
hobby
【影視】Keira Knightley表示 不會接拍男導演執導的性愛場面
26 Jan 2021