{ SKIP }
文:MenClub 摯樂  圖:互聯網
POSTED ON 16 Sep 2020
【你扮AirPods】美國海關扣押2000盒OnePlus Buds耳機指其仿冒 AirPods

冤枉呀大人!來自香港的中國製造耳機 OnePlus Buds係美國甘迺迪國際機場被美國CBP充公沒收,美方並且係官方Twitter發推文,聲稱截獲一批從香港運到美國的冒牌AirPods,總數共2000件,市值398,000美元(約308萬港元)。實際上呢批OnePlus白色耳機全部有名有姓係注明係OnePlus公司產品,不過CBP 進口專家認為基於「整體外觀」判定呢批係仿冒蘋果的 AirPods,真係超級無辜。大家評下理邊度似?


美國海關和邊境保衛局(CBP)擺大烏龍?唔係呀,佢地認真做實事,真係唔比你進口,確實截查話呢批耳機係仿冒。根據外國媒體《The Verge》引據CBP 最新聲明,這批遭查禁的耳機包括紙盒全部都清楚註明「OnePlus」商標,不過 CBP 進口專家認為,佢地正係基於「整體外觀」做判定,因此就算產品無任何 Apple 字樣,也有可能被視為仿冒。CBP 發言人補充,OnePlus 仍然可以透過正常程序提出異議,證明自己的產品沒有仿冒其它產品。到目前為止,蘋果並未針對 OnePlus 或其耳機採取任何法律行動,即係蘋果都未出聲。而 OnePlus 暫時都未對扣押事件有任何言論反駁。

藍色係OnePlus,白色係蘋果AirPods

其實蘋果 AirPods 問世之後,坊間有大批耳機廠有類似式相似的設計,實話實說我認為最似蘋果的排隊應未輪到OnePlus,同 AirPods外觀相仿價格更便宜的真無線耳機比比皆是。如果論點係針對外型,應該好多廠都遭殃。除非針對的是來源地,即以後香港出貨去美國將會非常嚴謹,當然可能只是個別案例, CBP搞錯左唔認烏龍,這是雙方最易落台的階梯,一笑置之最好。中美加速主義下,十月將至風高浪急,同美國有生意往來的笑完過後好認真諗一諗要點解處理往後的商品生意交易。




TEAM-DEMI係由日本公司PLUS於1984年推出、一個盒內收納7款文具嘅產品,由於當年呢個設計既美觀又方便,最後TEAM-DEMI賣出超過650萬套。而日本設計師深澤直人就決定重新設計新世代嘅TEAM-DEMI,加強咗產品嘅極簡氣息 ...
hobby
【設計】文具控請入 極簡文具盒套裝 「TEAM-DEMI」
18 Sep 2020
美國明星素來都唔會怕講政治,呼籲大家去投票行使公民權力更加係成日都見,例如早前「美國隊長」Chris Evans「大雕照」後第一個Twitter貼文,都係叫大家去投票。而另一Marvel男演員、號稱「MotherFxxker本尊」嘅Samu ...
hobby
【影視】Samuel L Jackson教你用15種語言講「DLLM」
18 Sep 2020