任天堂與孩之寶都係從小深受大家喜愛嘅品牌，而呢兩間公司最近就聯手，利用《Super Mario》嘅人物及世界觀，融入大富翁、層層疊等經典孩之寶遊戲之中。其中《層層疊：超級瑪利歐版》嘅玩法仲幾新穎添！

一般層層疊就係抽啲木條出黎放上去，邊個整冧成棟就叫輸。而《超級瑪利歐版》就加入咗爬塔嘅元素，玩家除咗再用轉盤決定抽幾多條積木出黎之外，亦會決定自己嘅角色向上爬幾多層，收集幾多金幣之類，爬到上頂仲有庳巴等緊你。如果跌咗啲積木落黎就要扣金幣。最後獲得最多金幣嘅就勝出。

除咗為層層疊提供新玩法，遊戲亦附有瑪利奧、路易吉、碧琪或奇諾比奧等角色，當收藏品都相當唔錯。