PlayStation 5 新消息成為近日熱話，不過據Sony CEO Jim Ryan受訪指出，PS4相信仲可以玩多3-4年，佢希望好多人轉會 PS5，但堅信仍會有數以千萬的玩家繼續玩 PS4 ，中國大灣區之友都唔知幾時先有得買PS5行貨，分分鐘都係繼續玩多三五七年PS4，嫌慢？打電話去問下「加速師」可唔可以快少少......好彩Sony香港已確認11月19日有行貨，香港暫時仲未等同中國地區.....不過加速中...

Sony CEO Jim Ryan 表示 PS4 預期仲有 4 年的生命週期，作為銷售突破 1 億台的主機，呢個推算相當合理，過去 PS2 當初的生命週期設定係 10 年，但實際上持續有 13 年之久。所以大家千萬唔好放棄PS4，今年仲陸陸續續有大量新Game出現。佢表示「PS4 社群對我們未來的 3～4 年將同樣至關重要，」Ryan 強調：「如果我們做得夠好，希望會有許多人轉向 PS5，但仍會有數以千萬的玩家繼續跟 PS4 在一起。」

新出的PS5經過數以千計的 PS4 遊戲兼容測試，「99%」遊戲都可以過渡去 PS5 上面玩，同時Sony 公開「PlayStation Plus Collection」，呢個 PS Plus 會員入左會就可以係 PS5 發售當天下載約 18 款 PS4 熱門遊戲即時玩。

次世代主機 PlayStation 5 上市售價 499 美元，首發日係 11 月 12 日，並接連係 11 月 19 日全球發售，據說包括香港，想12號就玩新機急就打電話去日本問下水貨「加速師」可唔可以幫到手。