康文署今日將會重開各區游泳池，不過政府規定除咗部分豁免情況外，泳客需要喺泳池範圍一直佩戴口罩，咁游水點樣戴口罩呢？又畀我醒起六月頭日本的確有推出過游水專用的口罩「Pool Mask Man」仲出到第2代，而家睇返真係好適合香港需要去泳池的游泳智將，最好高官們親自去示範宣傳防疫與運動並存，然後比救生員哥哥作人生最難的決擇。

介紹Pool Mask Man游水口罩前先講講香港游泳池係乜嘢玩法？ 首先香港市民係泳池範圍內係需要一直配戴口罩，當中係就五個情況獲得豁免， 包括游緊水、 往返不同泳池、 往返泳池與更衣室之間、沖涼以及喺與人保持安全距離1.5米外單獨熱身，以上五個情況大家係可以唔戴口罩，當然風險自負為己為人如果你有任何身體不適都千萬唔好去游水。至於游緊水時口罩放係邊等等高智能難題，就等大家去問問高智慧的政府決策者。

介紹返日本游泳用品生產商「Rockin'Pool」六月時就推出過一款透明防水口罩「Pool Mask Man」，據稱係為體育游泳課教練而設。裝備可以覆蓋鼻下區域，令大家係游泳池甚至游緊水都可以戴住，仲可以配合泳鏡使用，稱具有可100％阻擋正面而來的飛沫的可靠防水結構，即使潮濕時都可以保持配戴者呼吸良好。Pool Man Mask以透明堅固柔軟的氯乙烯材料製造，據稱連續佩戴5小時都唔會引起疼痛，更可以反復清洗同使用。材料使用1毫米超厚氯乙烯PVC材料，即使係劇烈運動中都可以保持形狀、唔易斷裂。最新官網仲推出全新進化第二代「Pool Mask Man 2」將縫製更改為熱壓接製作。

Rockin'Poo同東京一間縫紉廠合作，於日本國內大量生產。想保障健康香港政府可以考慮大量訂購，可惜日本產品一向唔係本港政府心儀最好的供應商來源地。大家會唔會一開泳池就去游水先，有興趣就買返個游泳口罩啦。