TEAM-DEMI係由日本公司PLUS於1984年推出、一個盒內收納7款文具嘅產品，由於當年呢個設計既美觀又方便，最後TEAM-DEMI賣出超過650萬套。而日本設計師深澤直人就決定重新設計新世代嘅TEAM-DEMI，加強咗產品嘅極簡氣息。

新版TEAM-DEMI包留原作嘅圓角盒裝，文具嘅擺位亦幾乎冇任何變動，亦同樣係有直尺、膠紙、捲尺、鎅刀、鉸剪、釘書機、膠水七種文具，但以往嘅TEAM-DEMI標誌牌，就換成電話Sim卡針，都算係體現時代變化。深澤直人亦重新設計放置文具嘅間隔，令到每件文具放入去之後表面都係平整，而且儘量無縫，而個盒亦改用磁吸，以加強打時嘅順暢度。總共有白灰藍粉紅四色。