「Bello」~~「芭芭芭芭芭娜娜」~~ 一聽到就知係Minions迷你兵團登場啦，呢班細細粒嘅香蕉仔作為壞蛋嘅助手，雖然蠢到爆，但就非常可愛，好得人鍾意。而黎緊2021年Minions將會推出全新續集《Minions: The Rise of Gru》，Reebok就為此以其皇牌鞋款為基礎，設計出電影主角中的數款鞋款。

Question Mid 「Gru’s Lab」

鞋款選擇Reebok星級代言人「戰神」Allen Iverson嘅Question Mid為基礎，加入「Gru’s Lab」嘅冰冷感覺，因此以銀色皮革為主調，鞋跟位置則選用有光澤嘅鉻鞣皮革拼接黑色皮革，加上夜光綠色黏液的管道設計貫穿鞋身並注入外底，充滿金屬風格。腳踭位置就拎走左原本嘅「3」字，換成「G」字，並加入骷髏圖案，加強Gru實驗室嘅神秘感覺。

Instapump Fury 「Minions」

呢款名正言順以Minions為主調，亦即係黃色為底色，並以藍色為副色，同時以Minions經常亂諗野嘅方向，將鞋身打造成左右不對稱。而焦點嘅Pump Button印有Minions嘅眼睛，另左腳鞋底位置則印有香蕉皮圖案，非常有趣。

Instapump Fury 「Vicious 6」

Gru一直都想成為世界上最強嘅壞蛋，但佢必須先擊敗超級壞蛋聯盟Vicious 6。而呢對「Vicious 6」設計上就係混合壞蛋聯盟各人的特色，以左右不對稱設計，並以各種鮮明對比嘅顏色圖案、顏色、材料及紋理突出壞強聯盟的感覺。

Club C 「Otto」

呢對鞋款係為慶祝新登場嘅Minions—Otto而推出踲Club C童裝限定鞋款，同樣以Minions作為靈感，採用全黃色打造鞋身，加上熒光綠及銀色點綴，鞋側印上「Minion POWERED」字樣，內裡加入大量Minions圖案；鞋跟底部位置亦注入啡色泥漿造型圖案，只要入場睇即將上映的電影續集你就會明白原因。