不久將來似乎就係AI人工智能世代，唔單止汽車，船艦無人化的發展比想像中更快實現，無論軍用民用都將會有新突破，利用自動 AI 結合全球衛星通訊同再生能源，航海唔再需要人員隨行，未來如果你不幸流落無人荒島，就算日日有十艘船經過都無人救到你，因為船上面跟本無人....

作為科技革命5G已經帶畀人類AI的無限遐想，汽車自駕系統各國車廠正爭相競研，而將AI自動駕駛用係海上船運，其實更易實行，自駕船比較無咁需要擔憂擁擠的交通，而且直正減少人力資源投入，完全唔需要滿足人類的基本生理需要對遠洋航行係輕鬆無負擔得多，如果唔係疫情的影響，挪威的 Yara Birkeland 號將有望係今年或明年被成為第一艘投入商業運營的無人貨輪。Yara Birkeland 載貨量可達 120 TEU 且完全由電氣驅動，貨輪唔單止可以靠遙控操作（remote control），而且仲有基本自駕（self-driving）能力，被稱為海面自主航行船（MASS）。

為左進一步發現無人駕駛航海技術，全球第一艘完全無人駕駛的科研船已經運行測試中，船名叫，五月花號（Mayflower Autonomous Ship，MAS），將會繼400非凡年為同名船由英國普利茅斯再一次以新方式啟航至美國，並再次試圖改寫航海時代。呢艘無人船將搭載由 IBM Power9 CPU 和 NVIDIA V100 Tensor Core GPU 所構築的最新邊緣 AI 運算系統，使用近 30 個傳感器和 6 個攝影機，及紅帽自動化軟體，使船隻擁有先進的電腦視覺，所用的技術其實同自駕車有類似之處。五月花號以太陽能作為動力，而其實相對民用，軍用的無人船艦其實已經發展左十幾年，美國海軍實際上早係2007年9月就制定左無人水面載具的發展綱要（Unmanned Surface Vehicle Master Plan），積極探索無人船的潛力。2010 年美國國防高等研究計劃署（DARPA）正式開展連續追蹤反潛無人載具 （ACTUV）的計畫，如今技術已經進展到高級任務測試，未來甚至期望能夠係公海上依國際法處理問題船隻。

2016 年，美軍全球第一艘無人反潛艦海獵人號（Sea Hunter）就已下水，可以係公海上執行長達 90 日的巡洋任務。而我地中國其實係都係呢方面有所鑽研，2018 年，中國發表可進行集群演練的瞭望者 Ⅱ 型無人飛彈快艇。當然技術上肯定同美國科技有落差，但證明中國海軍都的確係睇到相關發展的重要性。根據美國海軍無人水面載具發展綱要指出無人軍艦的行動邏輯主要有兩種，保護海上區域及護衛海上通道，不過仲好需要AI智慧的發展以提高智慧避免被埋伏或襲擊。

美國正打算組建以多艘大型無人水面艦（LDSUV）為主的「幽靈艦隊」，配屬擁有最先進的朱瓦特級驅逐艦 DDG-100 的水面作戰第一中隊進行演習，軍方有一個叫大君主計畫（Project Ghost Fleet Overlord）寄望無人艦隊能夠承擔起大部分的任務，其將採用模組化設計，依任務需求來搭載各種感測、射控與武器裝備。甚至該技術能很有彈性的應用在民間船隻上。

未來就係AI人工智能的年代，過去美蘇冷戰軍備競賽發展的太空競技比拼嘅係彈道飛彈實力，主要都係阻嚇級別嘅大殺傷力武器，但如今新AI智能組建的軍備全部都係實牙實齒熱戰可以使用，以阿塞拜疆對亞美尼亞的現代新型戰爭啟示，AI人工智能自動化海陸空新兵器使用係軍事上面殺傷力相比太空競賽時代冷戰恐怖得多。