日本前首相安倍晉三於8月時因健康問題而辭任，亦代表佢有更多時間、機會去做啲之前冇機會做嘅嘢——例如接受訪問。日前佢就接受日本《日刊Sports》嘅獨家專訪，回顧當年帶領日本奪得2020 (依家係2021)年奧運舉辦權嘅情況。

圖片：Wikipedia

其中佢特別提到，2016年里約奧運閉幕禮時，佢打扮成任天堂經典人物Mario登場嘅一幕。安倍前首相指，當初係東京奧組委會長，亦即係前日本總理森喜郎去搵佢，叫佢扮Mario於閉幕禮上亮相，而佢一開始其實係唔鍾意呢個idea：「日本首相扮Mario係咪真係work架？而且我都想儘量避免將奧運政治化，另外，日本飛去里約熱內盧要坐廿個鐘飛機呀…」

咁最後點解又會肯呢？「但當初森首相在位時，我係佢嘅官房副長官，就好似係佢嘅弟子一樣。而且佢同我講，呢壇嘢得我先做得黎，因為要搶任日本總理時間夠長，國際間嘅人先會認得你。」

圖片：截圖自Olympicchannel

於是安倍前首相就飛廿個鐘去到里約，喺滂沱大雨中扮咗一次Mario。據佢回憶，當日閉幕禮嘅流程其係延誤咗，所以佢喺條水管到自己一個企咗十幾分鐘，先真正上台。佢仲話好擔心出到黎會被人笑，好彩出場時有熱烈掌聲，過一排遇到世界銀行行長，佢仲走過黎話：「我個女睇咗你扮Mario，佢叫我問你拎簽名。」