PlayStation 5 唔單止係遊戲機，而且仲會成為你家庭的娛樂中心，點做到？好簡單，Sony推出一個專用的媒體遙控器，你買左就可以完全輕易操控PS5包括Netflix、 Disney+、Apple TV、YouTube、Spotify 以及 Twitch 等影音娛樂內容，座定定係大廳除左打機，仲可以串流好多野玩，當然最終你肯定會抱怨身邊人霸住部PS5同電視煲劇，所以就算你買左呢個PS5專用的媒體遙控器，唔好講畀老婆仔女知！

其實就算第一代PS已經可以做到跨媒體播CD，之後的PS3前代仲可以播放日本SACD，之後PS4就可以播藍光碟甚至所有串流平台，遊戲機從來都係媒體的一體化應用機，不過PS5係呢方面就無咩點宣傳，其實串流為主的年代，PS5一樣可以做足網絡串流玩意，近期Sony 宣佈 PS5 將內建 Netflix 、Disney+、Apple TV+、YouTube 、Spotify 以及 Twitch 等影音娛樂平台應用程式。PlayStation.Blog 證實包括目前許多主流的線上串流影音平台例如Netflix、Apple TV、Disney+、Hulu、Peacock、Spotify、Twitch 以及 YouTube 都將在 PlayStation 5（PS5）上推出。當然係香港就可能無法進入部份海外平台如Hulu、Peacock等。

其實用PS5手制已經足以操控所有的內容，不過作為PlayStation 5 尊貴用戶如果想更輕鬆控制 PS5 上各種娛樂內容，可另外選購 PS5 專用的「媒體遙控器」，媒體遙控器將於 2020 年 11 月 19 日推出。幾舊水買來用係幾方便。