卻說2018年時，服裝品牌RADIO EVA搵咗繪師米山舞為《EVA》五個角色畫咗張「常服EVA」圖，而HOBBY MAX就拎咗呢張圖入面嘅設計黎出Figure，過去一年已經出咗明日香同綾波麗兩款，最新就輪到「真希波 Ver.RADIO EVA」啦。

「真希波 Ver.RADIO EVA」以1/7比例推出，分別有顏色正常嘅普通版及跟返原畫比較暗淡嘅配色版，但除咗顏色之外，兩個版本其實冇分別。Figure造型係著住緊身T恤、貼腳七分牛仔褲盡現修長身材、外披鮮紅大衣、雙手叉腰頭髮飄逸嘅真希波。或者係因為著住常服嘅關係，所以感覺親切得多。無論邊個版本售價都係14,080Yen，evastore有售。