疫情之下旅行無得去，留喺香港有乜野好做? 認真....選擇比起以前真係少左好多，但同時亦令人更加聚焦番本地野，特別係一眾手作市集非常受歡迎。而黎緊喺銅鑼灣鬧市之中，將有一個戶外市集，讓大家喺繁囂、緊張、失望嘅都市生活中尋找屬於自己嘅無憂時光。

佔地3000呎嘅日式Lodge Bar Lounge Hakuba將舉辦首個連續兩天嘅 #THEPLAYGROUND 周末市集Vol.1，期間邀請唔同嘅藝文手作品牌，等大家多一個聚腳點，包括以龍舌蘭植物為主題發展嘅生活品牌Agave By Kenal、專營世界各地冷門樂器嘅Museek Studio、以大自然及動物為設計靈感嘅手繪小物及擺設品牌Animal Totem Hong Kong等等嘅特色單位。

去得市集又點少得食呀，由Lounge Hakba及新晉餐廳The Alp 聯手帶黎日本輕食及特色飲品、本地製亞洲首創有機純正CBD蜜糖、CBD咖啡及CBD手工啤酒、由調酒師調製充滿香港特色嘅瓶裝雞尾酒等等，亦等緊你親自去發掘。

當生活喺巨大壓力之下，讓自己有一陣子時間喘息，其實可以令自己更有動力，亦可以有力量繼續走落去，甚至走得更遠。當然香港本地文化亦需要大家繼續支持啦！

Lounge Hakuba X #THEPLAYGROUND戶外市集詳情:

地址: 銅鑼灣謝斐道535號 Tower 535 302室

時間: 11月14及15日（星期六及日）下午12時至晚上9時