今日股市因為美國輝瑞藥廠（Pfizer）宣佈疫苗成功研發有效性超過 90%而大升逾 1,600 點，輝瑞係呢個時間公佈好消息好似對世人打一枝強心針，當然政治時機唔討論明眼人一眼睇到，重點討論到底COVID-19 疫苗係咪代表疫情肯定玩完？唔好太早放鬆防備，正如選情一樣太早坐定粒六最終可能哀哭切齒，應等待最終的判決證實真正長治久安，畢竟向來疫苗成熟都非一兩年可達成，而且9成有效係指即時藥效而非疫苗有效的期限，一年後仲有無效要時間考驗，現今疫苗仲有儲存同運輸等難題，距離真正擊潰於中國出現的 COVID-19還有一段長路，別輕言放鬆，戰鬥還在繼續藥廠同油公司一樣信唔過！

德國生技公司 BioNTech 及製藥大廠輝瑞表示，最新 COVID-19 疫苗完成第3階段試驗，幾乎所有受試者在注射過第 2 劑 7 日後都產生免疫效果。消息一出，道瓊斯指數飆升近 1,600 點。實際上目前世界有非常之多藥廠正在研發疫苗，當中自稱成功嘅亦相當多包括中國新冠疫苗亦已經成功。目前由 BioNTech 與輝瑞聯手研發的新冠疫苗，是係大規模臨床試驗中最先取得成功數據的藥廠，雖然依然屬於早期試驗，但數據呈現相當樂觀。以目前的生產規劃，預期 2020 年就可以供應全球高達 5,000 萬劑疫苗，2021 年將增至 13 億劑。 

值得關注一個重點，疫苗有效的期限暫時並唔清晰，即係話打左疫苗一年後防疫功能會唔會下降，一兩年後需唔需要重新接受疫苗係未知之數。BioNTech總裁 Ugur Sahin 希望至少能延續一年。不過呢方面的效用就唔是好樂觀，有研究表明，染病復原者體內的抗體濃度隨時間下降得好快，接種疫苗可能亦都有同樣情形，目前必須等後續試驗完成才能進一步釐清。不過對藥廠而言一年打一次的疫苗才是永續商機。

疫苗另一個難題同挑戰係無法在常溫下儲存，必須要係零下負 70 度環境進行運輸及保管，而係一般雪櫃溫度頂多只能保存 5 日。目前研究團隊希望疫苗可以係正常雪櫃溫度下保存能至少延長至 2 星期，否則後勤運輸壓力將會好大，尤其偏遠地區，而運輸過程中人為出錯也好有可能導致疫苗無效。

STOCK MARKET UP BIG, VACCINE COMING SOON. REPORT 90% EFFECTIVE. SUCH GREAT NEWS!

— Donald J. Trump (@realDonaldTrump) November 9, 2020

不過無論如何，輝瑞稱有效性超過9成都係人類極好消息，最先下令無論如何都要研發疫苗嘅特朗普總統及拜登都紛紛對此表示祝賀。 坊間有質疑藥廠有故意拖延成效的政治性考慮，正反思維自己想，其實如今公告唔見得聰明，畢竟智慧人經歷過2000年美國選舉爭議都知，現在言之徜早。不過特朗普一但成功當選對好多行業和世界貿易都不利，特朗普7月簽署多項降低藥物價格的行政命令，希望降低美國國民支付處方藥物的價格。特朗普當時表示，一定病人利益放在首位，美國藥廠管理層必須與聯邦政府商討如何降低藥價。咁當然就病人利益損害藥廠利益。所以拜登當選對藥廠百利而無一害，誰管人民弊！