韓國電影業愈來愈成功，當中有一種對港產片光輝歲月承先啟後，又介紹返一部非常抵死的劫機題材動作笑片《特務打爆機》(Ok! Madam) ，電影大部份場景係大家久違的波音777客機上拍攝，簡單講劇情就係主角一家三口中獎去夏威夷度假，航班上遇上有組織劫機，但呢個大媽原來身懷絕技大戰恐怖分子，一個打十個，劇情仲要不停再爆笑又反轉，最終大奶一定要安全成功抵達夏威夷去旅行？韓式創意同搞笑絕對值得入場一笑....

韓國電影史上首部劫機題材動作喜劇由大鐘獎影后嚴正化、《凶櫃》朴星雄主演，最Low特務群組遇上恐怖份子，打爆機營救行動正式展開！電影相當有趣全片9成都係飛機空間內拍攝，所以電影公司搭左一個非常利害的自製由零開始組裝整架波音777客機，1:1拍攝，搭過飛機的大家一定覺得場景超有親切感，大家都好從親歷其境過。如果大家想搵一部好笑、過癮、浪漫的動作喜劇，好值得入場，之前睇過《炸雞特攻隊》相當對韓國式搞笑會有多一份認受感。

爆料話你知，呢部戲無論正邪各方都暗藏好多玄機，愈睇愈多爆點。而且劇情難以預測爆到最後充滿驚喜，唔刻意無里頭之餘相當好笑趣緻，絕對誠意推介。 

 故事大綱

慳家阿豬媽美英（嚴正化 飾）有日飲飲下果汁抽中夏威夷旅行頭獎﹗她與I.T.高手老公石煥（朴星雄 飾）和寶貝女興奮踏上全家首次海外之旅。豈料有恐怖份子劫機！乘客性命受到威脅、老公寶貝女更不知所蹤，美英潛藏已久的真功夫終被激發出來！美英大戰恐怖分子，一個打緊十個之際，機上竟然有同伴默默補位？這班因狂徒劫機而在全球最安全航空公司排名榜中節節下跌的夏威夷航空，最後能否成功著陸？

片名 Film title : 《特務打爆機》Ok! Madam

片種 Genre：喜劇Comedy、動作Action

導演 Director : 李澈河 LEE Cheol-ha

演員 Cast : 嚴正化、朴星雄、李相侖、裵正楠、李先彬 (UHM Jung-hwa, PARK Sung-woong, LEE Sang-yun, BAE Jung-nam, LEE Sun-bin)

語言 Language : 韓語 (中英文字幕) / Korean (Chinese and English subtitles)

上映日期 Release date : 2020-11-26