日前於手機推出嘅新Game《第一神拳 格鬥之魂》，改編自日本人氣漫畫《第一神拳》，玩家將可以使用原著入面超過100個角色，享受一拳KO嘅快感。

《第一神拳》呢套漫畫，於1989年首次於少年Jump連載，至今仍然連載當中，絕對係日本拳擊漫畫嘅代表作，要知道《第一神拳》漫畫至今已經累計售出超過9600萬本。

在漫畫當中，唔少招式於現實當中都的確出現(但就無漫畫咁誇張)，好似肝臟攻擊、羚羊拳、輪擺式移位等，因此大大增加讀者嘅真實感。

今次推出嘅手機Game，在IOS及Adroid雙平台同時推出，玩家將可以使用不同角色，參加升級賽、普通比賽等從而培育自己嘅拳手角色，最終目標當然就係成為拳擊界嘅No.1啦。而喺培育期間，玩家可以將自己嘅拳手送去知名拳擊館進行訓練，又或親自打話個人拳館，並接受或挑戰其他會館，成為最強會館。