著名時尚品牌Tiffany早前推出一系列「日常物 (Everyday Objects)」系列，除咗有啲杯杯碟碟瓶瓶罐罐之外，仲有如一整個溫室 (售價為27.5萬美金)、文具、高爾夫球棍、搖搖、口琴等等物件。另外亦有幾年「家居娛樂物品」，包括一整套麻雀。

Everyday Objects之中，包括有一整副麻雀及Poker套裝，論功能呢，佢同你喺樓下雜貨店買到嘅麻雀毫無分別，但配上Tiffany Blue真皮收藏盒、麻雀用上胡桃木，牌面嘅配色亦有作出改動，再加重新設計嘅籌碼，令到打牌瞬間成為非常奢華嘅體驗。售價為15,000美金，即係十一萬幾港紙——用呢副麻雀要打幾大先算唔失禮呢？

而除咗麻雀之外，仲有Poker套裝及近來因為《Queen's Gambit》而一定非常搶手嘅國際象棋套裝，仲有個特別豪華嘅24K金版本，如果大家有興趣就可以去Tiffany網頁慢慢睇。