關聯閱讀：2018年【高清影音】最新無線HiRes Audio Wireless 標準認證推出

藍芽真無線耳機如雨後春筍，近期日本音響協會（JAS）更新左全新Hi-Res Wireless 標準規範，以後買無線耳機可以睇睇呢個Hi-Res 音響品質標準認證，不過呢個章認證其實係羊毛出自羊身上，日系耳機可望最先加入 Hi-Res Wireless ，認證左有咩好？除左好聲無法主觀認定，功能上係全面規範咗。

其實Hi-Res Wireless 的標準係2018年已經訂立，不過隨著真無線耳機大量湧現加上現行新耳機左右獨立設計，故日本音響協會（JAS）宣佈更新新版 Hi-Res Wireless 標準規範。

根據最新Hi-Res Wireless 標準規範，Hi-RES高解析度自然係重點，同上一次公佈唔同，今次主要改變來自對真無線耳機的設計規范，加入對應真無線藍牙耳機設計，其中一點係左右耳的相位差，要求主要左右以 180 CM距離、60 度夾角形成倒三角形的聆聽範圍為標準的判斷基礎，要求真無線藍牙耳機必須讓左右聲道傳輸誤差係正負 50μs 距離範圍。此外，對無線藍牙編碼技術亦必須採用由 Sony 提出的 LDAC，或是以台灣提出的 LHDC 編碼技術，先可以得到新版 Hi-Res Wireless 的標準規範認證。

除此之外，新真無線藍芽耳機必須左右耳機可以各自獨立與訊源裝置連接，唔再區分主/副耳機。左右耳機均需要規範左右聲道輸出平衡表現，藉此定義更符合實際使用的 Hi-Res Wireless 標準規範。任何廠商若為日本音響協會成員，取得標誌授權是免費的，若非協會成員，則需要付費取得認證。

而加上過去 Hi-Res Audio 的認證，符合新版 Hi-Res Wireless 標準規範的真無線藍芽耳機，就可以係產品包裝或宣傳廣告上使用印上 Hi-Res Wireless 標準規範的金色 logo。就算靚唔靚聲都好，起碼知道功能上同要求上你對耳機可以達到上面提及的Hi-Res Audio 標致。咁呢個Hi-Res Wireless 標準規範係選擇耳機上重唔重要呢？我的個人意見係一點都不重要，純粹係多一個Hi-Res Wireless 章睇落Hi-Res小小，買耳機依然係睇個幾個因素同個別型號，邊人有會因為睇中試完聲覺得好的耳機無Hi-Res Wireless認證而放棄唔買？