我地又講多次Tesla，話說Tesla衝上5千幾億市值高到Elon Musk都驚，仲可唔可以再爆上去呢？面對群雄並起電動車戰國時代，Elon Musk前日受訪時公開講到Tesla下一步可能考慮收購合併一間車廠，作進一步提升產能及推動競爭力。不過佢保證一定唔會發動敵意併購，佢笑笑口對併購持開放態度，即係我唔會食人地間車廠，但有邊個主動打電話來比我食，咪大家座開心傾下囉！大家認為Tesla同邊間車廠大合併最好呢？暫時網絡好似話 Mazda人材同技術最好食！

Elon Musk指出「我們肯定不會發動強勢的併購行為，」如果有傳統車廠提出合併的想法，佢好願意坐低傾傾。「我希望會是一個比較友善、和平的過程，而不是惡意、強勢的併吞。」Tesla如今已經成為目前全球市值最高的汽車廠，係資本市場上，Tesla的市值5400億，如果加埋哂Toyota（2 千億）、通用（640 億）、Ford（360 億）、快意佳士拿（160 億）呢四大集團，差不多只是Tesla市值的 61%。

當然股票市場並非現實世界，市值唔代表手頭上現金，但以今時今日Tesla確有能力可以同任何車廠合併，問題只係邊一間廠同Tesla合併對雙方有最大的利益？過去當Tesla創業之初，德國丹拿(即平治)同Toyota都曾經係Tesla股東，不過2014和2017年分別已全數出清股權。環顧全球，理論上德國人的車廠好難會同Tesla合併，而銷售傳統龍頭Toyota更無可能。 

要真正搵願意合併雙贏的廠都唔係咁易，大廠機會低難度高，但如果購入細廠仔又對提升產能的目標無咩大作用，要威就可能入奢侈品版的豪華車廠，講實際據說日本第五大車廠Mazda係潛在合作車廠，唔知有無機會座低交流下。

當然其實要買Tesla買電池廠實用性大得多。你認為當今世上邊間車廠會考慮同Tesla一齊全面合作？