卻說2009年酒井法子因涉毒被捕後事業受挫，2012年復出之後，就接到《空蟬之森》呢部電影，當時佢認為要把握每一個演出機會，所以即使電影要佢全裸上陣都依然接拍。電影於2014年拍完，原定2015年上映——講到呢到大家係咪有啲奇怪，點解當年冇印象見過呢套戲上？你冇記錯，因為套戲嘅首次上映日，係下年2月。

《空蟬之森》宣傳照

圖片：eiga.com

《空蟬之森》對酒井法子原本係有重要意義，除咗係涉毒後首部電影，亦係2008年拍攝日本最高法院宣傳電影《審理》後，事隔13年首部主演作品。據報當時佢除咗於鏡頭前有全裸演出、展示出42歲生過仔、但依然白滑堅挺嘅身材之外，拍攝情慾戲時更加為咗提升真實感而唔用膠紙痴住無需入鏡嘅重要部位——一句講哂就係套戲有嘢睇。

可惜嘅戲製作呢套嘅公司於電影上映前就破產，套戲最終就冇上到。事隔5年，或者係相關問題終於解決，亦係因為日本近來掀起「作品無罪」嘅輿論 (即係演員嘅個人行為失當，唔應該影響作品本身嘅品質及上映)，所以日本方面就有消息指，電影會於2021年2月5日上映。

酒井法子寫真圖

據報，《空蟬之森》係一套懸疑情慾片。故事講述赤腳嘅結子 (酒井法子 飾) 某日被警察發現護送回家，但佢老公昭彥就話雖然樣貌習慣以至身體上嘅傷痕都一樣，但呢個結子唔係「佢老婆結子」，然後佢又懷疑自己老婆同精神病醫生山井有路，而警察亦開始調查結子夫婦、仲有個記者話知道結子嘅秘密。