Toyota終於正式出手，迎戰2021年開始的純電動車混戰時代，下年的電動車市場變革已經唔再單係汽車界嘅事，而係科技的戰場，Toyota發表純電動車新平台 e-TNGA，預計明年將會優先係歐州市場正式開賣，打開純電動車的新戰役。e-TNGA 平台與 Subaru 共同開發將會係一個彈性超大的兼用架構，車輛的長、寬、高，後輪驅動或全輪驅動全部車系能夠對應。以新平台創建Toyota首款產品，將會是一架SUV。

Toyota作為車界一哥，過去成日被人話對純電動車腳步太慢，無法放低其超成功低排放油電車，不過時移世易再強的油電車未來都要過渡去純電動車市場，於是沉睡的巨人終於正式出手，發佈電動車的e-TNGA 平台袈構，Toyota新車無論咩款，唔同長、寬、高，後輪驅動或全輪驅動都能夠對應以新平台設計產品。首款e-TNGA 平台設計的新純電 SUV 已經到達準備量產階段，將會係 Toyota 日本廠組裝，最快 2021 年中就會係歐洲市場開賣。車款名稱尚未決定，但外型可能會同 Subaru 之前發表的概念車 Evoltis 相似。如果2021年後移居英國的朋友就有可能率先可以享用新Toyota電動車，並且車價仲可以受惠於全新脫歐後的英日自由貿易協定。

除左SUV作為第一步，Toyota 將與 Subaru、Suzuki 與 Daihatsu 等各自專業領域的合作夥伴合作，針對「中型房車」、「中型 Crossover」、「中型 Minivan」、「小型車」、「大型 SUV」和「中型 SUV」等六種領域分別開發出專用電動車型。其中「中型SUV」是與 Subaru 共同規劃和開發、而「小型車」則是與並與 Suzuki 以及 Daihatsu 共同規劃和開發！Toyota總計會有 6 款以 e-TNGA 平台開發的新車款將會陸續上市。係e-TNGA 架構下，電池組容量估計在 50～100 kWh 之間，可採用的馬達有兩款，功率分別為 80 和 150 kW，係這個結構內排列組合，推算小型車的續航力大約有 300 公里，大型車則可達 600 公里，唯一變數在於電池，初期依然會採用目前的鋰離子電池，但豐田正在研發固態電池，未來將會轉用以發揮更強作用獲得更好的性能表現。

歐洲市場由於法規已定，將會係首個全面過渡變電動車的大市場，除左電動車龍頭Tesla，包括Volkswagen、Renault等廠係歐洲已經追上Tesla的銷量。明年起幾乎所有車廠都開始推出純電動車款，Toyota 沉寂多年終於出手，究竟會不會再創車界奇蹟，將會係 2021 電動車最重要的大事。而電動車已經係能源同科技的新世代層面，也跳出左單純「汽車」的範疇 。