SpaceX 日前係德州測試發射星艦（Starship）原型機，目標未來搭載人同貨物並送入太空軌道，甚至可以直飛月球及火星。今次試飛整體成功但到最後一個階段返回著陸時就墜毀爆炸。不過馬斯克非常樂觀認為機體雖然墜毀但收穫所有需要的數據目的達成，成果值得祝賀。一但星艦研究成功就算唔用作太空飛船，以其次超音速軌道運輸力可以大大縮短航空旅程，歐洲去澳洲只需要 1 個半小時。唔明咩係次軌道飛行器？簡單講即洲際彈道飛彈，星艦可以簡單理解為可以載人載貨識降落重用的洲際彈道飛彈。

美國 SpaceX 剛12 月 9 日係德州Boca Chica測試基地，進行星艦（Starship）飛船首次高空試飛測試，實驗去到最後的時刻爆炸，無人機墜毀。不過SpaceX 馬斯克依然表達祝賀認為數據全收成果良好值得欣慰。

<blockquote class="twitter-tweet"><p lang="en" dir="ltr">Mars, here we come!!</p>&mdash; Elon Musk (@elonmusk) <a href="https://twitter.com/elonmusk/status/1336810077555019779?ref_src=twsrc%5Etfw">December 9, 2020</a></blockquote> <script async src="https://platform.twitter.com/widgets.js" charset="utf-8"></script>

今次代號為 SN8 的無人火箭由Boca Chica 研發中心升空，據說飛行高度達 12.5 公里，約 4 萬 1,000 英尺，不幸係著陸時墜毀。發射之前，馬斯克其實一早預計實驗不會太順利，認為可能會發生事故，但同時寄予厚望嘗試，因此雖然飛船墜毀，但可以達到實驗目標，他就覺得相當高興。馬斯克仲係 Twitter 發表：「火星，我們來了。」馬斯克希望今次火箭能成為星艦原型，唔單止可以搭載人員和貨物並送入軌道，甚至未來可以直接飛往月球和火星，野心勃勃。今次 SpaceX 雖然實驗唔完美，但總算正式進入次軌道飛行。

畢竟能夠成功達成次軌道飛行已經係一項成就，就算唔去火星以次軌道運輸作為商機，可以實現超音速次軌道太空飛機概念，未來發展極速貨運同客運飛機 。不過要載人載貨，需要非常穩定嘅機體，簡單概念係發展載人的洲際彈道導彈，難度技術要求極高。

我地就睇睇馬斯克的長遠火星計劃，佢打算2050年前送 100 萬人登上火星，具體細節包括，建造一支有1千幾艘Starship的艦隊；每日3艘Starship出發前往火星，每艘Starship搭載100名乘客；用大約 9 年送 100 萬人去火星。

據SpaceX解釋今次測試爆炸事故因為火箭進行著陸燃燒時，燃料儲存箱的壓力偏低，導致著陸速度偏快，因而導致快速解體。完全解決引擎問題擴展任務。要使全長達 120 公尺原型機在次軌道上穩定飛行，仲需要一段時間，不過馬斯克眼光獨到長遠，他表示2026 年就要將人類送上火星。雖然我唔知豪無生命地獄般的火星有咩野好去，反正我唔會去。