亞視解剖外星人鬧劇係香港人的集體回憶，好多人都相信世界上真係有外星人，最近以色列《耶路撒冷郵報》報導，以色列衛星計畫之父87歲前國防軍兼任太空安全負責人Haim Eshed將軍受訪公開證實話有外星人存在都是真的，更同美國和以色列有秘密接觸，仲話人類未準備好接受呢個事實，佢話美國總統特朗普都知道仲差少少爆響口，迫使外星人介入阻止特朗普公開。佢爆料好有趣講到有個「銀河聯邦」（Galactic Federation）秘密組織............

根據呢位以色列將軍Haim Eshed講法：「外星人的確存在，仲有同美國及以色列秘密接觸，只是因為人類尚未準備好所以才要求兩國唔好張揚其存在，而美國總統特朗普似乎差一點就將件事爆料出來，更迫使外星人介入阻止。」佢訪問相當「科幻小說」佢話有一個「銀河聯邦」（Galactic Federation），負責將有關於外星人的事保密起來避免消息洩漏出去，呢個被稱為「銀河聯邦」的外星種族和美國秘密組織，佢地係火星的地下管理一個極為神秘的秘密基地。仲吹到話火星的地下基地有美國代表係個度同外星人共同進行實驗共同研究“宇宙結構”。

據Haim Eshed的講法，美國總統Donald Trump絕對知道外星人的存在，甚至曾經想公開講，但好明顯地被阻止左。 Haim Eshed指銀河聯邦的外星人紛紛表明「必須讓人們先冷靜下來。」Haim Eshed稱外星人認為人類仲未準備好接受事實，要求官方組織唔可以公布他們的存在，以免引發不安，仲話外星人將按照協議隱匿自己的行蹤，等候人類達到進化的階段與了解太空與太空船的階段之後，最終公開自己的存在才有意義。

坊間好多人講話有外星人，應該都無咩人會信，Haim Eshed絕對唔係第一個出來高調宣稱地球有外星人的官員。美國第六位曾經係月球Moonwalk的太空人Edgar Mitchell晚年曾經以類似的講法敘述外星人的存在而被NASA關注。而今次大放厥詞話有外星人的Haim Eshed今年已經87歲，佢係1981至2011年間曾擔任以色列國防部太空總署主管而被稱為以國衛星計畫之父，佢係以色列德高望重退休後投入外星人研究，仲有出書講外星人，書名係「與Haim Eshed教授的對話」。睇到呢度一睇到佢寫作出書講外星人，係咪即時降低左大家對其講法可信性呢？外星人之說向來信則有不信則無，如果真係有「銀河聯邦」祕密組織，唔知佢會唔會介入美國大選，又有無同中國建立關系？