香港人熱愛跑步，就算疫情期間亦有大量市民唔怕在街上跑，所以跑鞋嘅需求並無因此而大減。而講到香港人最愛嘅跑鞋品牌，相信就必定係黎自日本嘅ASICS。

為迎接2021年，ASICS SPORTSTYLE決定為經典跑鞋GEL-KAYANO 14注入時尚休閒元素，將一直具有嘅專業運動科技配上型格復古外觀。

事實上GEL-KAYANO 14 係2008年跑步界風靡一時嘅鞋款，13年後決定復刻上市，以「閃耀光芒」主題登場。今次呢對跑鞋嘅設計師山下秀闡述：「我對於『閃耀光芒』嘅想像，就好似跑手跑出每一步時，後跟著地至腳尖離地嘅一連串動作所產生出嘅光軌。今次鞋款無論喺選色、線條、材質、輪廓及觀感上亦都係朝著呢個方向設計，與主題一脈相承。」

GEL-KAYANO 14分別配有三種主色: 金、紅及藍，鞋款沿用可視式GEL緩震膠，保留鞋款一貫嘅專業運動功能。另外，為左盡量保持原有設計，今次鞋面用料保留網狀結構嘅合成皮革材質，只改良其整體包裹性，相信就有更佳嘅穿著體驗。