就憑《鬼滅之刃 劇場版 無限列車》嘅票房，加上日本電影近年對漫畫改篇真人電影嘅沉迷，你都知道真人版《鬼滅之刃》幾乎係心然嘅事，咁既然你都阻止唔到，唯一能做嘅嘗試令到件事冇咁難受。而其中最主要嘅討論點，當然就係搵咩人黎出演深受愛戴嘅禰豆子一角。有日本網站就舉行咗一個票選，睇下大家覺得邊個做禰豆子最適合！

橋本環奈 (@kannahashimoto.mg)

浜邊美波 (@minami_hamabe.official)

訪問搵黎200名年齡介乎10代至40代嘅日本男女，選出佢哋認為最適合做禰豆子嘅真人演員，結果橋本環奈以68票勝出，拋離第二名浜邊美波 (20票)三倍以上，而第三至五名分別為今田美櫻、永野芽郁及廣瀨鈴。有日本網民就話「環奈BB做我接受，永野芽郁我都OK」、「想睇環奈BB做禰豆子」等。不過都有人話「21歲嘅環奈BB要去做14歲嘅禰豆子係冇可能」——雖然票選頭五名中後生過環奈BB嘅只有20歲嘅浜邊美波。

唔知大家又覺得邊個最適合呢？

今田美櫻 (@imada_mio)

永野芽郁 (@mei_nagano0924official)

廣瀨鈴 (@suzu.hirose.official)