雖然SMAP早年已經解散，不過身為日本紅極一時嘅「國民團體」，其實所有成員都有相當嘅人氣同成績。 而成員草彅剛就於今日（12月30日）透過經紀公司CULEN Inc.發表同圈外女友登記結婚嘅喜訊。

為咗保護非圈內人士嘅愛妻，草彅剛冇公開到佢嘅身分，兩位新人亦都唔會接受訪問，只係透過公司話以後會繼續用藝人身分參與演藝活動，希望fans會繼續支持。

source：tokyo.whatsin.jp

SMAP解散之後，草彅剛都有繼續活躍於影視圈，外表剛樣型格嘅佢其實性格非常搞笑，單飛之後更加有現身唔同綜藝節目，係日本嘅知名度相當高。而佢最近更加喺電影《午夜天鵝》中破格飾演跨性別人士，日本當地票房衝破6.5億日圓，可以話喺雙喜臨門。

雖然一般嚟講偶像閃婚fans都會傷心，不過今年已經46歲嘅草彅剛喜訊一公布已經得到唔少fans嘅熱烈祝福。佢亦都係繼木村拓哉後第二位結婚嘅SMAP成員。而佢喺婚訊聲明嘅最後仲話「希望疫情儘快結束」，大家咁話啦吓。

source：themainichi.jp, star.ettotoday.net