近年「夾公仔」熱潮再度興起，除咗街邊愈來愈多夾公仔機，更衍生唔少線上「夾公仔」網站。當中唔少日本「夾公仔」網站可能大家都玩過，能夠唔洗去日本就夾到日本公仔，仲保證係正版，係幾吸引下。但最近有日媒報導，「夾公仔」網站《Toreba》員工爆料公司有「出術」。

《Toreba》雖貴為日本線上「夾公仔」行業翹楚，但一直都有唔少「負評」關於遊戲積分兌換或獎品運送問題。喺幾個月之前Twitter帳號「Toreba受害人協會」﹙トレバ 被害者の会） 有成員表示自己係夾緊公仔嗰陣出現異樣，發現公仔機夾臀每次伸展開口寬度唔一樣。

日媒「ねとらぼ」隨即展開調查，《Toreba》一開始表示只係機械問題，其後受害人們提出更多證據，《Toreba》最終承認係員工修改咗夾臀參數。

隨著事情不斷發酵，近日有多位《Toreba》員工向日媒「ねとらぼ」爆料，承認公司有造假，可以透過後台修改夾公仔機多項參數，令到玩家夾極都唔中獎，而裝有貴價獎品嘅公仔機，更可能夾上千次都唔會中獎。

本來諗住日本出嘅「夾公仔」機就實無死，而家竟爆單咁嘅野，睇嚟天下烏鴉一樣黑，適當玩下就好，唔好過分沉迷。

資源來源：ねとらぼ、Youtube@アイティメディアねとらぼ