{ SKIP }
文:MenClub 摯樂  圖:互聯網
POSTED ON 04 Jan 2021
【智能電話】年度我最討厭電話趨勢「跟機唔送充電器」排第二

近期網上除咗潮興討論我最討厭嘅男女歌手之外,仲充斥各種我最討厭選項議題,當中外國就公佈左一項調查關於我最討厭智能電話趨勢調查, 好多人馬上提起的電話趨勢「跟機唔送充電器」只能排名第二,咁到底排第一消費者最憎智能電話咩野趨勢呢?值得一提, 排第四厭惡趨勢係細小智能電話,除左得到Menclub編輯部一致認證的iphone12mini以外,其他所有細小智能電話都唔受消費者歡迎!


智能電話一詞應該由第一代的iphone帶領,至今可以簡單歸納為已發展到第十二代,咁當然除左蘋果世上都有好多唔同嘅智能電話,智能電話隨時代轉變日新月異之餘,有好多趨勢同設計係創新突破,當中同時都有好多趨勢係消費者認為厭惡唔鐘意嘅。外國最近就有媒體公佈左一項調查關於消費者討厭的智能電話趨勢與發展調查歸納出六大最不受消費者歡迎嘅趨勢,當中好多人唔鐘意智能電話螢幕上的「切口」(例如 iPhone 上的瀏海設計),另一個好多人討厭的係新型電話捨棄超廣角和長焦鏡頭,轉而使用RGB三原色感測器通過提高畫質去做數碼變焦。而令人驚奇的係原來大多數消費者都唔鐘意太細小的智能電話設計,消費者喜好係愈大愈好,而iphone12mini係唯一的例外,除此之外,所有設計細小的智能電話都無好下場。



再數一數頭三個最討厭電話趨勢,第三位係「經常需要充電」低用電時數無論係電池量太低定食電太快,總之電話用家就係要持久,情願要一部巨電量唔駛成日差電的電話都唔想要一部「食電」但有極速充電功能的電話,總之唔駛成日充電才是皇道!第二位最討價的係買電話居然唔送「跟機充電器」,蘋果同三星都開始咁樣玩,反而備受讚賞的係中國小米電話經過評擊後已經改為可選擇送「跟機充電器」的小米電話版本,環保志士可以選擇唔要充電器的環保剩機版,有得選你至係老闆。


第一位我最討厭電話趨勢係「蓮蓬咁多鏡頭」,現今電話上有越來越多鏡頭(且有些根本無用),呢種設計讓人覺得非常不滿,一部機有五至六個鏡頭,又深度感測器、又AI 感測器,甚至係微距鏡頭,對於大多消費者來講幾乎都無咩用,而多鏡頭令電話外觀睇落非常難睇,甚至讓人有密集恐懼症。


以上就係經過調查消費者對於智能電話發展同趨勢上討厭的事項,當中好多已經成為大多數廠家的一致走向,未來,到底手機廠家會唔會聽民意將以上的設計同趨勢改變呢?好難講,反正消費者會選擇,任何敢於創新改革的電話製造商,追到大多數消費者心態自然就可以殺出一條血路。



由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024