時間是否恆久不變定時精確呢？原來計時的原子鐘就精確但實際上地球的自轉係時快時慢，地球先生甚有個性，尤其係2016年開始世界有點改變，地球開始比以前轉得快左，於是乎傳統計量認為地球自轉速度該係逐年放緩的法則又改變左，因此自1972年後世界時間固定係每年 6 月 30 日 及 12 月 31 日視情況添加一「閏秒」（leap second）的做法將打破，科學家甚至建議應讓世界時間減少一秒「負閏秒」，不過任何呢種計時改變對你同我每朝起身返工毫無影響但對電腦世界衛星通訊和導航系統甚至網絡伺服器都可能會係大災難。

我知睇完你都唔知我講咩，也可能覺得我自己都唔知自己寫咩！實際上我地一日規定有24小時，如果以地球自轉一圈為之一日計，原來數據表明地球目前自轉速度比半世紀前更加快左，以原子鐘科學式計算一日24小時就係精準的 86,400 秒，但原來地球唔係咁準，時快又時慢總是差一點不太精準，如果拉個遠鏡去睇長遠的地球自轉改變，整體趨勢而言地球自轉速度應該係逐年放緩，影響原因來自月球對地球海洋的潮汐作用。根據原子鐘計時結果，當本世紀時間比上世紀還要長約 1.7 毫秒，基本上地球每 100 年就會增加 1.6 毫秒，所以世界時間就固定左係每年 6 月 30 日 及 12 月 31 日視情況添加「閏秒」（leap second），自1972 年至今，閏秒已添加 左27 次。

雖然呢個一秒之不同對我地人類生存係「無感覺」，但數據表明地球目前自轉速度比半世紀前係快左，一是時長實際上略短於目前規定的 24 小時。所以，世界上有好多科學家正辯論是否應將世界時間減少 1 秒以應對呢種變化，如此先可以令人類定義的時間與太空真實時間保持一致。自 2016 年起，世界時間再無添加過閏秒，地球開始以比平常更快的速度旋轉。於是，英國國家物理實驗室（National Physical Laboratory，NPL）科學家 Peter Whibberley 提出左「負閏秒」，唔單止唔再額外添加秒數，仲應該視情況減少秒數。

刪減世界時間 1 秒對我們來說無感，但對科學和技術而言卻至關重要，因為衛星通訊和導航系統依賴與宇宙一致的時序，但都有人指出增加或刪減秒數以校正時間的做法可能會引發混亂，例如 2012 年時，增加閏秒就曾經導致 Reddit、Yelp 和 LinkedIn 等好多網路服務器崩潰出錯。世界無線電會議於 2015 年 11 月決議繼續沿用閏秒，呢個決定定於 2023 年再檢討一次是否要廢除添加閏秒呢項過去舊傳統。睇到呢度大家可以放心，我地真係想同你講科學，唔係想玩你同賣廣告，by the way不如大家都重新睇睇有無like Menclub同久唔久分享下科學按個分享，一秒鐘已經少左，唔好浪費。