{ SKIP }
文:MenClub 摯樂  圖:互聯網
POSTED ON 12 Jan 2021
【科學】極地渦流冷凍北半球歐亞大陸寒潮北京凍過北極?

近期寒流偷襲,整個北半球陷入急凍狀態,科學家表示異常冷凍係由於北極的極地渦流正在發生怪異的顫動干擾使渦旋的冷空氣向南延伸向歐亞大陸,大部分地區無法倖免,北京清晨氣溫凍達-19.5℃,歐洲及中國都進入極寒冷冬,引致北京、上海市、陝西、山東等省市的部分區域出現突發大停電,寒冷中國人係社交媒體上叫苦連天。公平講,唔止中國歐洲例如西班牙都出現 50 年來最大暴風雪,佢地好彩無停電不過天然氣價格急升,對於呢個氣候反常科學家解釋完一輪話「即使氣候變化使地球變暖,極寒仍然會發生,意味著我們必須適應更極端的溫度範圍。」

霸王寒流唔知大家有無印像,其實2016年的1月就已經見識過,當時都好凍好多人係低平地成功體會低海拔山區的雪景奇蹟。據《彭博》報導,過去兩年極地渦流大部分時間維持穩定狀態,寒冷空氣沒有溢出,大部分北半球地球人都感受到異常炎熱的冬季,然而今年科學家觀察到同時大家都感受到極地渦流受干擾出現攪動,北半球已經陷入急凍狀態。解釋返,極地渦流係一種快速旋轉的寒冷空氣,位於南北極上方平流層,係一個大範圍的低壓區,可以保持冷空氣向北流動。科學家經已發現,極地渦流正在發生怪異的顫動。一種講法係冬季使極地渦旋保持係適當位置的噴氣流忽然減弱,從而使渦旋中的冷空氣向南延伸流動,即改變左原本冷空氣應該不停旋轉向北方向。總之就係寒流來襲,凍到............

不過原來又有另一套講法受到現今科學家普遍接受,講法係北極上方的平流層突然變暖。由於對流層溫度升高,導致來自較低大氣層的大規模大氣波向上流動觸發使極地渦旋失衡,而平流層可以向下移動波來傳遞能量,從而係某些地區導致暴風雪。今年 1 月下旬開始席捲北美洲、歐洲和亞洲的極端低溫,罪魁禍首就係極地渦流受到干擾,北半球無一個地方避得開呢場寒流。

寒潮已經降到歐洲同中國,導致供電緊張。1 月 7 日北京氣溫創下 1960 年代以來最凍的紀錄,根據中國國家電網,中國北方至少有 9 個省級電網系統的峰值電力負荷達到歷史最高,電力供暖設施佔總負荷 48.2%。由於中國逐步淘汰燃煤供暖,嚴寒導致中國北部地區的天然氣需求激增,價格創下歷史新高。歐洲同樣面對天然氣價格急升狀況,不過未有停電狀況發生。

科學家預測,今年平流層變暖可能導致極地渦旋分裂成兩個,其中一個中心位於歐亞大陸。根據發表於《地球物理研究雜誌》的研究指出,平流層變暖事件係一些最極端的大氣現象,幾日的過程,極地平流層溫度就會升高多達 50°C,此類事件可能帶來非常寒冷的天氣反差,通常會導致暴風雪。科學家指出,平流層變暖事件平均每 10 年發生 6 次,而現時人類正經歷巨大的極端現象。研究科學家直言,「即使氣候變化使地球變暖,這些事件仍然會發生,這意味著我們必須適應更極端的溫度範圍。」我只講一句,自求多福啦人類,科學家係救你唔到。



Tesla、SpaceX、Boring Company創辦人CEO Elon Musk素來都好鍾意玩Twitter,而且唔單止係講下佢自己公司嘅嘢,有時仲會喺佢個有四千幾萬人Follow嘅Twitter同大家分享一下動漫Memes,內容相當多元化。不過多人Follow ...
hobby
【荀工?】上年炒公關 Elon Musk請Twitter「小編」
20 Jan 2021
由於疫情關係,唔少人選擇留係屋企打機,帶動任天堂遊戲機Switch價格飛漲,更有一段時間直頭無貨,想玩就要迫住買Switch Lite,無得出街又想做運動嘅人仲可能搭單買埋健身環RingFit,可惜除咗玩《RingFit Adventure ...
hobby
【神人】Switch玩家將健身環改裝做軚盤玩Mario Kart
20 Jan 2021