有人話今年將會係電動車的年代，美國通用汽車就決定作出時代的跨越，以旗下品牌佳特力（Cadillac）率先推出一部馬上超越電動車的科技載具「飛行佳特力」eVTOL，係一部屬於科幻電影中的自動駕駛飛行的士，概念上同如今係香港搭直升機去澳門差唔多，蛻變成全電動單人乘搭點對點自動駕馭飛行器，係未來交通運輸的想像？咪住先，你有幾可去半島酒店搭直升機出入？呢個交通工具唔係人人都用到，短期內相信純粹為有錢人服務！

電動車肯定係未來的社會潮流，但具有未來感科幻電影中的飛行器才是真正的未來載具，美國汽車大廠通用汽車（General Motors）就率先推出全新佢地稱為概念車的飛天佳特力（Cadillac）eVTOL，唔單止具備自動駕駛能力，仲可以輕鬆垂直起降，載運乘客於空中係城市中穿梭，通用汽車表示，呢部概念車重新定義未來個人交通運輸的想像。

不過呢部飛天佳特力eVTOL只能乘載 1個 人，與其話係汽車，其實正確嚟講應該係垂直起降無人機，飛行完全自動化，而且全電動，由通用汽車設計使用 Ultium 電池供電，搭載 90 千瓦馬達，超輕機身加上配備有 4 副螺旋槳，可以係高樓大樓屋頂起降，最高飛行速度可達時速 55 英里。廠方概念影片話將會好快上市，不過通用汽車並無正式通告實際出售時間與細節。其實如果係將現今流行的無人機放大來做，中國的無人機公司應該都有能力可以生產推出，當然敢唔敢乘搭就係另一件事。