人愈大真係好難擠到時間出黎打機放鬆下，就算有咩新Game出，買完返嚟都可能得個擺字，無咩心力去「開壇」同pick up一隻Game。身邊朋友亦愈嚟愈忙，當年肯一齊癲打通宵機嘅好「機友」都可能已經結婚生埋小朋友，想約都無機會同時間。

（圖片：Airbnb）

最近美國就出現咗間「特別」7-11，可以比人打機過夜，每晚只收11蚊美金。提供PS5同大電視，任食零食同任飲思樂冰。由於疫情問題，見到條款都幾嚴格，只可以畀同一個家庭兩位成員預訂。

雖然呢間7仔係美國限定，但你話如果香港都有間類似嘅打機房，設計同傢俬再舒服啲，可以約返啲朋友「獨自去偷歡」一晚都真係會幾開心。