《超人》系列從1966年首播以嚟，成為過好多人童年心目中嘅英雄。所以成日都會講笑咁話，問人地細個嗰陣睇邊代超人，就可以大約估到佢年齡。事隔多年超人系列再出電影《真．超人》，記念超人系列播放55週年，並預定今年夏天上映。

（圖片：natalie.mu）

電影陣容非常強大，由《新世紀福音戰士》導演庵野秀明擔任編劇，《真．哥斯拉》樋口真嗣執導，仲有齋藤工同長澤正美參演。兩位大師繼2016《真．哥斯拉》後再次合作，今次電影名同上次一樣，都用上「真．」。

據日媒報導，《真．超人》將以1966年初代《超人》為藍本，有趣嘅係從預告片可以見到怪獸非怪有EVA影子（好似使徒），而超人心口係無能量燈，咁係咪代表有無限體力？