中國一年一度嘅春運大遷徙又嚟啦，就算疫情亦都阻止唔到同胞們回鄉之路。不過，因為擔心疫情再一次傳開，所以國家衛健委特別就疫情發出針對春運嘅公告，確保大家回鄉期間可以安心。

衛健委嘅通告就指，想離開所在地回鄉嘅國民，必須持有病毒核酸檢測嘅陰性報告，先會放行，而去到目的地後亦唔需要隔離，希望呢班國民當時唔係假陰性啦。

不過其實都唔使擔心呀，國內已經成功研發疫苗，大家乘乘地去打就去邊都得啦。咁你就錯啦，衛健委嘅通告中並唔包括可以放行打咗疫苗嘅人士，只有持有陰性報告先可以放你走。點解會咁架? 唔通疫苗未穩定? 不過無可能架喎，中間肯定有啲誤會啦。