早洩係唔少男士嘅難言之忍，就算有事都好難跨出第一步去睇醫生，最近美國醫療器材公司Morari Medical就打算推出「防早洩膠布」，為各位早洩男士帶嚟福音。只要貼喺「啷啷」下面（會陰），就可以延遲發射，而且仲可以用手機透過藍牙控制。

其實早於2020年CES（消費性電子展），Morari Medical已經展示過呢個產品，但最近佢哋出咗升級版，變得更細塊、更貼服。根據介紹，其原理就係透過膠布釋出微量電流，抑制陰莖部位神經，干擾傳輸到大腦嘅神腦信號，達到延遲效果。見到電流兩個字，大家可能已經嚇到縮咗一縮，但Morari Medical CEO保證話絕對唔會痛，至於實情係點就真係要試過先知啦。

只要透過藍牙連線後，就可以用App控制電流強度（邊做邊拎部電話出嚟按？）。塊「膠布」電子部份可以重複使用，但膠貼部份就定位為一次性用品，每次使用都要換一次膠點，每張售價為$25美金，想做「真男人」代價都唔細㗎。產品仍未正式推出市面，有需要嘅朋友請密切留意佢哋官網最新清息。