疫情橫行全球，最簡單嘅影響就係絕大部份人已經有足足一年未去過旅行，而你唔去旅行最多就悶啲同有錢冇掟使，但對酒店、景點黎講，冇人去就好有可能會執笠。但即使喺呢個情形之下，日本大阪依然有一間酒店推出割喉式優惠，目的係為咗答謝大家喎！

【拡散希望】緊急事態宣言により多くの人々が生活に困窮していると知り、当ホテルは1泊390円プランをこのツイートをRTされた方に「シングル初回1泊のみ」で実行いたします！少しでも多くの方に広めていただければ幸いです。よろしくお願いします！ #コロナにまけるな
対象：SUNPLAZA、SUNPLAZAⅡANNEX pic.twitter.com/i337dgpBn9

— ホテルサンプラザ (@hotel_sunplaza) January 18, 2021

位於大阪新今宮駅西出口對面馬路嘅「Hotel Sun Plaza」雖然唔算得上係靚，但位置方便之餘，房內WiFi、電視、空調、毛巾、牙刷等一應俱全，酒店內甚至有公共浴池，住入去絕對唔算屈就，平日2,000Yen房價亦算非常抵住。但酒店於上月中推出超級優惠，到2月尾為止每晚房價減到390Yen (只限入住第一晚)，即係港紙$30蚊都有找，另外同時喺隔離嘅「Sun Plaza Annex II」亦推出月租優惠，30晚只需24,000Yen，即係$1800港紙唔使。

ホテルサンプラザⅡでも仮住まい24,000円プラン実施中です！2月末までなので、仮住まいやお部屋をお探しの方ぜひお早めに✨✨ご予約お待ちしております！

ホテルサンプラザⅡ　????06-6641-7303#大阪 #仮住まい #宿泊 #ホテル #お試し pic.twitter.com/hBcsP7rq49

— ホテルサンプラザ (@hotel_sunplaza) January 26, 2021

至於點解要減價減得咁犀利呢？Sun Plaza於Twitter上就係話因為「知道好多人都因為緊急事態宣言而令生活陷入困境」，所以推出優惠幫助大家，另外酒店方面亦有提到想感謝客人嘅支持，亦係點解房價會定於390Yen (日文3、9諧音係Thank you)嘅原因。而除咗好心之外，酒店負責人接受訪問時亦指，日本政府發出緊急事態宣言後，入住率只有10%到20%，既然啲房放喺到都冇人住，不如就平租出去幫下人，酒店亦可以收返少少，蝕都冇蝕得咁甘。都算係Win Win 雙贏呀？