有睇開日本電影，對北野武絕對唔會陌生，以漫才（日本喜劇風格一種）搞笑藝人出道，後來成為演員及導演。曾自導自演多部知名電影《凶暴的男人》、《花火》、《菊次郎的夏天》，建構出獨特個人風格及暴力美學，日本知名作曲家久石讓都係佢御用配樂師。

（圖片截至：女性自身）

據日媒《女性自身》報導，現年74歲嘅c繼2017年《全員惡人最終章》後再次執導，電影名字暫定為《首》，改編自一年前佢所寫嘅同名原著長篇歷史小說《首》，以日本戰國時期作為背景，預計將於今年5月開拍。

據知情人士消息，呢部電影係北野武構思長達十年之作，希望最後能夠拍出類似電影大師黑澤明《七武士》嘅偉大作品，而佢本人亦抱住「最後一部電影」嘅心態嚟製作。知情人士更透露電影將會匯聚多位巨星，北野武自己都會參與演出，同時親自邀請渡邊謙等知名演員加入，目前正在協調演員檔期。