台灣都有萬能key　動漫宇宙大覺者

文：MenClub Patrick　　圖：互聯網
POSTED ON 11 Mar 2015

唔係高登仔先識玩萬能key嘅，最近台灣都有個「宇宙大覺者」變成咗爆紅嘅萬能key，我哋不妨跳出香港，欣賞吓人哋嘅惡搞（或者應該用番台灣網絡語「kuso」嚟稱呼）。
原圖
首先我要講，「宇宙大覺者」其實係一個好莊嚴嘅佛像，我都要好莊嚴咁報道呢件事。話說台灣有個佛教組織叫做「慈濟基金會」，佢旗下嘅一間「靜思書軒」，最近喺網頁上面發售呢尊「宇宙大覺者」佛像，聲稱用特殊物料製造，索價33萬台幣。好喇，問題就出現喇。後來有人踢爆，個佛像原來只係用普通水晶膠整嘅，成本唔使4萬台幣，好有cap水之嫌，於是喺網上引發激烈討論。件事對或錯，喺一眾台灣網民心目中，根本唔重要，最重要係好似高登仔咁，有花生可以食，結果就演變成齊齊為「宇宙大覺者」key上動漫人物嘅集體kuso，將佢變成萬能key。仲有人寫埋教學，教人點樣PS先會key得最似，話重點係要用實體公仔影相嚟key，唔好直接key動漫圖（呢樣係人都知啦吓話，台灣網友都係有啲長氣）；想再似啲，仲可以做埋水晶effect。睇睇台灣仔嘅PS技術如何，同埋佢哋揀嘅動漫角色啱唔啱大家心水啦！