自從疫情出現後，為咗保障自己同人地，大家都載上口罩出街。喺華人世界入面戴口罩呢個問題並無引起太大爭議，相反喺西方世界就有唔少人唔鐘意戴口罩。根據美國南加州大學研究，現時美國仍然有一半人出街唔戴口罩。有見及此，最近美國疾病管制與預防中心（CDC）同華納合作整咗條廣告片，希望以Harry Potter、Wonder Woman、Neo等著名角色說服大家戴口罩。

從廣告可以見到，無論正派英雄角色，抑或係《IT》入面嘅小丑呢啲反派角色都戴上口罩，只不過個口罩恐怖啲咁解。

《IT》個恐怖小丑都戴口罩。（圖片截至：Youtube）

據了解，廣告將會喺全美播放，並提供畀廣播及新聞機構免費使用，同時華納都會喺自家電視頻道HBO及Turner播放。