2006年Adidas以38億美元收購Reebok，以為可以憑住兩大品牌夾擊Nike，但最終未能令Nike損傷之外，Reebok嘅表現更每況越下，目前市值估計只有10億美元。對此，adidas近日宣佈將會分拆Reebok業務，兩個品牌將會獨立經營。

今次分拆業內人市一早已經預見到，因為對於adidas黎講Reebok只係拖低自己嘅品牌，而對於Reebok黎講亦因為Under adidas，令業務非常受限，特別係投放資源方面完全被分薄，導致表現低下。

因此，將Reebok分拆出黎，相信可以有助佢地離開adidas嘅陰影，自己可以再次嘗試突圍，要知道Reebok昔日係運動品牌嘅龍頭，比Nike更大，但奈何多年來未有新產品面世，一直只係食老本，不斷翻炒INSTAPUMP FURY，你話想唔死都幾難。

而今次分拆，Reebok會唔會被其他公司收購暫時仍係未知之數，此前包括安踏體育、VF Corporation，甚至前NBA球星Baron Davis都有意收購Reebok，一代巨頭究竟仲有無機會翻身呢?