如果大家經常要係電腦前工作、Zoom開會、睇片、打機電競！咁微軟最新推出的 XBOX 無線耳機就最合適抵玩，售價預計只係99美金，有齊靚設計、高音質、低延遲、無線連接，支援XBOX 的空間音效技術，四月推出市場。當然佢無降噪同非戶外設計，純粹畀你打機室內工作用，至於插落PS5可唔可以用到就要到時再幫大家試！

微軟剛發表左旗下全新 XBOX 無線耳機，預計售價 99 美金，最快將於 2021 年 4 月 2 日推出市場。根據微軟表示該耳機擁有高音質，低延遲、百份百優質無線連線直接與 Xbox 主機連結，並支援 XBOX 的空間音效技術。

至於規格來講，平凡中見實用，喇叭本身40CM，阻抗為 32 歐姆。使用 SBC 轉碼，並使用藍牙 4.2 (A2DP、HFP、HSP) 。唔係最強但已經夠xbox同電腦用，近近地座係電腦同電視機前接收肯定清晰。耳機簡約微軟xbox式風格，重量為 312 公克 ，除左可調鬆緊外，左右耳的旋轉耳罩有轉盤可直接調整音量和遊戲/聊天平衡，咪高峰可彎折，開啟時有 LED 燈亮著。

根據官方數字每次充電可使用長達 15 小時電量，充電 30 分鐘大約可提供 4 小時的電池使用時間，並且係唔使用耳機的情況下，完全充飽電力只需要大約 3 小時。Xbox 無線耳機與 Xbox Series X|S、Xbox One、Windows 10 電腦，以及具有 Bluetooth 的行動裝置相容。非常適合用window機Home office的人平平地買個專用耳機工作、開會、打機、睇片！