{ SKIP }
文:MenClub 艾力克  
POSTED ON 18 Feb 2021

任天堂今日喺「Nintendo Direct」發布會公布多款遊戲預告片,主要講述於2021年將會推出嘅Switch遊戲,整個發布會時長接近一小時,相信大家都無時間睇曬全條片㗎啦,所以我為大家抽出幾個遊戲集中討論。

當中最令人矚目嘅莫過於《薩爾達傳說 禦天之劍 HD》,早喺2011年任天堂曾經喺Wii上推出《薩爾達傳說 禦天之劍》主打體感操作為賣點,玩家可以用Wii嘅手制當劍咁耍。今日任天堂就宣布將喺Switch上推出HD畫質重製版,預計今年7月16日正式發售。玩家可以用兩個Joy-Con分別當成劍及盾,扮演主角林克去揮劍斬怪救公主。

如果一向鐘意玩Mario合家歡類遊戲,最新推出嘅《Mario Golf Super Rush》可能啱你。呢隻「孖寶高爾夫球」可以畀你約埋幾個朋友一齊打Golf,同樣支援體感操控玩法,紮好個馬拎住個Joy-Con一下揮出去,成班朋友一齊望住個球飛都幾過癮㗎,預計6月25日發售。

上年《動物森友會》咁紅,今次又點少得佢呢。任天堂公開「Super Mario 35週件記念活動」,約於2月25日推出《動物森友會》新更新包。提供多項Mario道具,例如硬幣、磚頭、超級星星、種菇及水管等,令玩家可以喺森友會入面整返個Mario世界。

事隔7年,任天堂終於宣布將於2022年推出《Splatoon 3》,有玩開嘅朋友都知Splatoon係一隻唔錯嘅合作遊戲。今次宣傳片公布人物角色將會有客製化系統,並有全新武器,見到主角坐火車到一個好cyberpunk嘅城市,似乎暗示將會有新場景。

覺得上面啲Game都太益智,想玩啲拳拳到肉充滿打擊感嘅Game?今次任天堂表示將於今年2月25日推出《戰國無雙 5》(除咗Switch版仲有PS4及PC版),無論故事定係角色設計都有別於過往《戰國無雙》系列。

當然仲有其他遊戲,例如上年熱門大逃殺生存類遊戲《Fall Guys》將會登錄Switch平台,篇幅所限未能盡錄,大家有興趣就睇下「Nintendo Direct」發布會條片啦。

資料來源:Nintendo Direct - 2.17.2021
任天堂在上月公開嘅Nintendo Switch 2預告片中,除咗提到4月2日會新機更多細節,仲預告會喺全球各地舉行「Nintendo Switch 2 體驗會」。如今任天堂終於宣布香港區體驗會詳情,預定5月17日(六)及18日(日)在灣仔會 ...
hobby
【電玩】可以實際拎上手試玩!任天堂宣布5月中在香港舉行Switch 2體驗會
21 Feb 2025
由Will Smith主演嘅超級英雄喜劇《Hancock(街頭超人)》,在2008年上映時在全球創下6.3億美元亮麗票房成績。事隔10多年後,Will Smith日前終於透露自己正籌備續集,仲打算邀請Zendaya參演。 最近Will Smit ...
hobby
【影視】Will Smith透露《街頭超人》續集籌備當中!Zendaya有望加盟演出
21 Feb 2025