外媒Bloomberg引述知情人士消息指，任天堂計劃喺今年推出一款搭載更大螢幕嘅升級版主機，將採用Samsung 7英吋720p OLED螢幕，藉此提升玩家購買意欲，預計Sumsung將於6月開始投入量產，7月就出貨畀組裝工廠。

現時Switch搭載6.2英吋720p LCD螢幕；而Switch Lite就係5.5英吋720p LCD螢幕。消息指「升級版」主機所採用嘅Sumsung 7英吋OLED螢幕，除咗尺寸上比過往更大外，亦會比舊有LCD螢幕有更好色彩表現同慳電，同時反應速度更快。

雖然現時大部份Switch遊戲都支援1080p解像度，但任天堂考慮到電池續航能力，就算新螢幕升級到更大嘅7英吋，仍然選擇保留主機螢幕解像度為720p。不過TV模式輸出方面，就升級到支援4K解像度。