SpaceX無人火箭剛成功完成試飛不過就係德州地面著陸後爆炸墜毀，我想講的卻唔係呢單野因為實驗就係失敗乃成功之母，我今日想介紹各位不同界別的藝術家一齊報名參加日本年輕富豪前澤友作的登月球旅行，45歲日本富豪前澤友作有20億以上財富，佢將會係SpaceX第一批月球旅行乘客，而佢提出「親愛的月球」計畫想話出錢出力邀請6到8個藝術家兼勇士陪佢一齊參加2023年即下年就出發的6天圍繞月球太空旅行任務，佢會負責所有駛費開支，剩係唔負責你的性命安全，不過放心，佢自己都勇於接受挑戰信SpaceX！唔驚。

前澤友作出錢請大家一齊上月球之旅，唯一條件係你要誠懇願意幫助別人同勇於挑戰極限。邊個係前澤友作？佢係日本一位非常高調的富豪，常以怪奇言談和奢侈生活方式而聞名，喜歡大手筆豪駛，買名畫買名車買名錶絕不手軟，出手相當豪邁闊綽。2018 年，前澤友作宣布已買下 SpaceX 首次私人載人月球旅程所有機位、佢高調招募藝術家陪佢去月球玩，當中前澤友作曾經係網路刊登廣告，希望可以招募一名女友（話有機會可能係終生伴侶）加入其SpaceX 繞月之旅，然後兩人一齊係外太空為愛情吶喊、高呼世界和平，當然以佢的言行同作風絕對會係太空船上面進行愛情的動作表達。

就算你唔係女，唔認為自己可以同佢結伴行人生路，你都可能係一位藝術家，可能來自行為的藝術，有自信你就可以跟佢最新的Twitter宣傳影片，報名去太空旅行，名額6-8位！3月14日開始上網登記報名，佢話預計 3 月 21 日前會對申請者進行初步篩選，篩選過關之後會對申請者作面試及體檢，預計今年 5 月下旬會公開面試挑選。

【発表】2023年に予定している月旅行に8名様をご招待します。本日より応募受付開始します！みんなで楽しい旅行にしましょう???????????? #dearMoonhttps://t.co/xBtOyJMIUh

— 前澤友作┃月旅行に8名ご招待 (@yousuck2020) March 2, 2021

如果 SpaceX 一切測試都順利，預計 2023 年就可以起動帶前澤友作及其藝術家朋友們飛上太空、展開全球第一次私人繞月旅行——以目前進度而言，SpaceX 的 SN8、SN9、SN10 星艦原型機飛行測試最後都以爆炸告終，當然馬斯克本人相當有自信可以按照原訂計劃時間表推出商業旅行。反正上機個個又唔係馬斯克本人！