有時候種族歧視個標準真係好難觸摸，就喺上禮拜德國乙組足球聯賽，漢諾威vs奧厄賽事入面，德國電視台Sky Sport球評Jörg Dahlmann由於稱呼效力漢諾威嘅日本球員室屋成嚟自「壽司之國」，因而被指種族歧視。

漢諾威對決奧厄最終1:1和局結束。（圖片截至：hannover96）

室屋成去年加入德乙球隊漢諾威，於上個禮拜（3月6日）首次作為先發球員出賽。雖然最後兩隊和局結束，但室屋成喺比賽入面錯失咗一次得分機會，球評Jörg Dahlmann就表示「個球應該可以成為室屋成加入漢諾威後第一個入球，佢對上一次入球仲喺壽司之國（land der sushis）」。此番言論一出，隨即大部份德國網友指佢種族歧視，多間德國媒體爭相報導。

在 Instagram 查看這則帖子

Jörg Dahlmann（@joergdahlmann）分享的帖子

期後Jörg Dahlmann喺IG出咗個Post「這個汽車工業國家發生令人驚奇的事。#沒有歧視意思」，間接否認自己言論帶有歧視含意，漢諾威球隊亦力撐Jörg Dahlmann，但電視台Sky Sport仍然決定完咗賽季後就炒佢魷魚。

大家覺得「壽司之國」算唔算歧視？

當「壽司之國事件」傳返日本後，大部份日本網友都唔覺得「壽司之國」帶有歧視成份，其中有網友表示好高興見到壽司文化滲透到海外，另外亦有人列舉「葡萄酒之鄉（法國）」、「足球發源地（英國）」等例子助證「壽司之國」不涉及歧視成份。