大陸酒店有個傳說執房清潔工人會用酒店毛巾抹地抹馬桶然後又放好比大家享用，好多人聽完都心有芥蒂，工幹旅行都唔敢用酒店用品。為左改變消費者心理恐慌加上中國人是要管的理念，中國浙江省杭州市下城區試驗推行「透明保潔智慧監管」系統。顧客只要用手機掃碼，就可對客房內所有床單、枕頭套等床品清潔狀況一目了然。因為每張床都有裝晶片，清潔人員用 RFID讀取器一掃，就可以上傳數據。甚至每條清潔抹布都裝晶片，如果有人敢用洗面盆的抹布擦馬桶，晶片就會發出警報甚至自動報警。大家以後入住如此先進的酒店係咪覺得特別安心出行？無錯分分鐘你張床郁左幾多下都有數據上載，第二朝人工智能提醒你要進食補品改善體能。

利害吧，全世界都無咩幾多地方可以有咁強大的晶片監管機制，相信也只有中國如此晶片大國有機會實行。酒店客房清潔工作有無做足，過去主要靠人工檢查，可能出現遺漏等問題甚至有惡意用大毛巾抹馬桶的案例。目前，杭州下城區衛生監督所就開始嘗試運用「透明保潔智慧監管」系統，監督衛生問題。日後成功將可能推廣全國實行。

當然要所有床單枕頭套等床品抹布等等全部裝晶片唔係一件易事，但中國就是強凡事都可能。杭州下城區目前有住宿場所 250 幾間，2020 年 12 月以來，「透明保潔智慧監管」系統陸續係當地 12 間賓館、兩間連鎖飯店作試點。未來有可能係浙江全省推廣。其實我認為中國人真係好聰明，尤其善於利用社會問題開大數搞一條龍洗錢配套大龍鳳，能夠應用咁強大的晶片抹布，難道唔係國家資助或國營企業先做得到？唔知佢地有無講過經濟學計唔計算成本效益？