對好多新生代而言錄音帶係歷史文物，但好多中年人依然會深深記得細個買偶像音樂錄音帶的潮流同讀書用錄音帶交功課的陳年往事。卡式錄音帶始創人 Lou Ottens上週逝世，代表住一個聲音年華的過去，60年代Lou Ottens帶領飛利浦團隊發明卡式錄音帶，可惜人們追求「生活好」，錄音帶並非由飛利浦帶旺潮流，反而係Sony一手捧紅錄音帶 Walkman 隨身聽，Lou Ottens除左研發錄音帶後期仲開發CD播放機，造就一個燦爛音樂年代，不過今時今日人去格式改，無論錄音帶定CD俱往矣！一路好走，再見了 Lou Ottens的動聽時代！

發明卡式錄音帶的荷蘭工程師Lou Ottens上星期係家鄉Duizel 逝世，享壽 94 歲。錄音帶發明之前人們使用黑膠播放音樂，不過黑膠從來都唔係大眾產物。 錄音帶嘅出現改變咗大家聆聽音樂嘅方式亦都令到音樂成為普羅大眾可負擔的消費品。 音樂儲存嘅格式由黑膠變化到錄音帶再由錄音帶轉化到CD，CD之後有過渡性嘅產物包括MD同MP3格式的興起， 近年網上串流音樂的興起又再一次革命性改變聽音樂的方式。然而今時今日錄音帶喺好多地方依然有市場，之前一度重新興起成為收藏家的熱門喜好。

Ottens 的發明唔單止卡式錄音帶，過去佢曾參與CD光碟的相關研發；到目前為止全球已經售出左超過 2,000 億張的CD唱片。1982 年，當飛利浦展示全新的產物 CD 播放機時，重心人物 Ottens 就曾講過「從現在開始，傳統的磁帶音樂播放器已經過時啦」。如今無人再敢講任何一種格式已經過時，不過係百花爭鳴的今日，無論用咩野格式載體音樂係永遠都唔會過時！再見 Lou Ottens！再見錄音帶和鉛筆！