日前，Nike喺海港城有新店開張，其中店內繼續保持大量環保嘅內容，要知道呢樣正正就係Nike近年嘅方向。講起環保，今次海港城新店仲有以Nike環保橡膠材料打造成嘅勝利女神像，認真型格。

呢個作為全港唯一一間Nike店內有嘅勝利女神像，係Nike將舊鞋回收後，經過處理將佢變成Nike Grind環保物料，然後將重新塑造而成的，實行將本來要掉入推填區嘅波鞋重新賦予生命，同時又能達到環保及型格嘅功效。

睇番Nike近日發佈嘅2020年財政年度《影響力報告》，其中5年前嘅計劃如果及未來5年嘅計劃亦一併公佈，當中環保將會繼績係主要方向。

Nike 2020 《影響力報告》部份內容：

· 2020財政年度，Nike一級成品鞋類供應商避免咗99.9%生產廢棄物進入垃圾堆填區

· 2015財政年度至今，Nike總計回收咗重量超過4,700萬kg嘅生產廢棄物並將其轉化應用於全新鞋類產品

· 2020財政年度，Nike每生產一對鞋嘅平均能源消耗較2015財政年度降低近10%

· Nike 59%服裝產品喺2020財政年度使用咗可持續材料，比上一財政年度增加18%

· Nike美國和加拿大嘅私人營運設施實現100%可再生能源供應，Nike全球48%私人營運設施在2020財政年度實現咗可再生能源供應

· 2020財政年度，Nike喺紡織品染色和整理工序中嘅淡水資源使用較2015財政年度減少咗30%，2016財政年度至今累計減少使用約400億公升嘅淡水資源

對於Nike未來要面對嘅困難，Nike集團總裁兼首席執行官John Donahoe表示：「『Nike』是一個充滿希望同靈感嘅品牌。我們相信運動嘅力量可以推動人類釋放無限潛能，並展現世界最美好一面。Nike所做嘅每一件事都建基於一個最重要嘅使命，無論係喺運動場上定係場外，我們喺全球各地不斷重新定義人類潛能。」