相信大家讀書時期都遇過唔少奇怪校規，例如冬天唔準著自己羽絨返學、唔準著校服喺街上食野、去廁所要填表等等。最近日本就有一條校規再度引起熱議，喺川崎市有小學唔準學生上體育堂嗰陣穿著內衣，換言之就算11-12歲初發育嘅女學生都被迫「真空」上堂。

体操着の下は‴肌着禁止‴の小学校教師の対応も含めドン引きなんだが……。 pic.twitter.com/vhKwXJ8b25

— ????????それいけアッキー????????ｰフォロバ祭りｰ32 (@Akikun1124) March 15, 2021

事緣日本川崎市立小學有家長反映，學校要求學生上體育堂嗰陣唔可以著內衣，換言之當女學生換衫上體育堂嘅時候要除埋內衣，被迫「真空」上堂。事件傳出後，引起網民熱烈討論，日本電視台隨即展開追蹤報導。有匿名受訪者表示，有學校聲稱禁著內衣係為咗「鍛鍊肌膚」，而且更有男老師要求「確認女學生乳房開始發育」後，先批准著內衣上堂。

對此，川崎市教育委員會回應，由於著內衣上體育堂，出汗後會濕透內衣，又無咁易可以乾返（佢唔知有Sport Bra？），好容易會「攝親」，基於健康理由先出此下策。事情仍不斷發酵，代表家長嘅議員同川崎市教育委員會仲嘈緊，未知最後會唔會修改現時制度。